حرب الشعارات تشتعل بين مؤيدى الرئيس ومعارضيه..متظاهرو التحرير:"بيع بيع الثورة يا بديع..لا إعلان ولا دستورى دا حكم ديكتاتورى"..ومؤيدو مرسى بالجامعة:يابديع أنت تؤمر وإحنا نطيع"..وثوار أحرار نؤيد القرار

السبت، 01 ديسمبر 2012 - 05:11 م

مليونية الجامعة

كتبت هدى زكريا

"الشعب يريد إسقاط النظام" و "عيش، حرية، عدالة اجتماعية" شعارات وحدت صفوف جميع القوى السياسية إبان ثورة 25 يناير للمطالبة بإسقاط نظام الرئيس المخلوع حسنى مبارك وترسيخ أسس الحياة الديمقراطية الكريمة، وذلك فى مواجهة أنصار ومؤيدى النظام البائد الذين تعالت صيحاتهم بهتافات "يا تحرير إتلم إتلم قال عايزينها بركة دم.. يا دى الذل يا دى العار دول عايزين يحاكموا الطيار.. والتحرير ثورة كدابة.. البراءة البراءة".

أما الآن فقد تبدل المشهد تماما، وحدث الانشقاق فى صف القوى الثورية، حيث انشق فصيل القوى الإسلامية عن بقية القوى المدنية والليبرالية، واتخذ الفريقان أماكن مختلفة للتعبير عن آرائهم فى سياسة الرئيس الدكتور محمد مرسى، فاختار الفريق الأول ميدان الجامعة ليكون هو منبره الذى يعلن فيه عن موقفه بمنتهى الحرية مؤيدا للرئيس مرسى، أما الفريق الثانى فاختار ميدان التحرير الذى شهد اندلاع الشرارة الأولى للثورة، وتنوعت الهتافات وتباينت ففى الوقت الذى هتفت فيه القوى المدنية فى مليونية الثلاثاء الماضى "الشعب يريد إسقاط النظام.. ده مش إعلان دستورى ده حكم ديكتاتورى .. عيش ، حرية ، إسقاط التأسيسية .. يسقط يسقط حكم المرشد.. وبيع بيع بيع الثورة يا بديع" للتعبير عن رغبتهم فى إنهاء حكم الرئيس مرسى والحد من تدخل جماعة الإخوان المسلمين فى سياسات الحكم على حد قولهم، بالإضافة إلى هتافهم فى الجمعة الماضية "حضن كبير وبوسة قوية برضو هنلغى التأسيسية" متهكمين على سياسة الدكتور مرسى وتصريحاته فى حواره بالتليفزيون المصرى، مقابل ذلك جاءت هتافات أنصار جماعة الإخوان المسلمين ومؤيدى قرارات الرئيس فى مليونية اليوم السبت، على النقيض تماما حيث هتف المتظاهرون خلال مسيرتهم التى استقرت بميدان النهضة " الشعب يؤيد قرار الرئيس... والقرآن هو شرع الله" للرد على المطالبيين بمدنية الدولة.. وحضن كبير وبوسة قوية ألف سلام وألف تحية.. ثوار أحرار بنأيد القرار.. ويا بديع يا بديع أنت تؤمر وإحنا نطيع".

تعليقات (38)

1

يجب على المصريين طاعة المرشد

بواسطة: الشيخ سبعاوى

بتاريخ: السبت، 01 ديسمبر 2012 05:15 م

ان كان رئيسنا مرسى يقبل يده فشرف لنا ان نقبل قدمه

2

محدش قال الكلام ده

بواسطة: مصري

بتاريخ: السبت، 01 ديسمبر 2012 05:20 م

أنا قاعد من الظهر ومسمعتش حد بيقول "ويا بديع يا بديع أنت تؤمر وإحنا نطيع"

3

اول مرة نسمع "" يا بديع انت تامر و احنا نطييع "" س : من هو حاكم مصر ال

بواسطة: احمد المصرى الاصيل

بتاريخ: السبت، 01 ديسمبر 2012 05:20 م

حسبى الله ونعم الوكيل

4

هو مين الرئيس مرسى والا بديع ؟!!!!!!!!!!!!!!!!!!!!!!!!!!!!!!!

بواسطة: رباب السباعى

بتاريخ: السبت، 01 ديسمبر 2012 05:30 م

هى مليونتهم مش علشان تأييد مرسى برضو والا اية العبارة ؟ههههههههههههه

5

الاخوان وتقسيم مصر

بواسطة: مصرى

بتاريخ: السبت، 01 ديسمبر 2012 05:30 م

فبدلا من ان يجمع مرسى شمل المصريين ويجلس مع الجميع قسم مصر
كنت اتمنى ان ينصف الرئيس مرسى الجميع ولكن للاسف قسم مصر باسم الشريعة

6

الملايين المؤيدة مش اخوان بس

بواسطة: محبة مصر ومؤيدة مرسي

بتاريخ: السبت، 01 ديسمبر 2012 05:33 م

ايه الكلام الفارغ ده محدش نادى بطاعة مرشد ولا غيره انت عمى ولاطرش الناس مؤيدة لمرسي يعني الملايين دي كلها اخوان بطلو كذب لامرشد ولاغيره هوا ليه كل واحد منصف ومؤيد تقولو اخوان

7

لكم مرشدكم ولى وطنى

بواسطة: أحمد عارف

بتاريخ: السبت، 01 ديسمبر 2012 05:35 م

لكم مرشدكم ولى وطني

8

يسقط يسقط حكم المرشد

بواسطة: مصرية وأفتخر

بتاريخ: السبت، 01 ديسمبر 2012 05:42 م

يسقط يسقط حكم المرشد

9

يابديع يابديع انت تؤمر واحنا نطيع

بواسطة: ahmed

بتاريخ: السبت، 01 ديسمبر 2012 05:47 م

لأ فعلا واضح ان مؤيدى مرسى كتير

10

يابديع انت تؤمر واحنا نطيع؟..... هى بقت كده؟

بواسطة: wael

بتاريخ: السبت، 01 ديسمبر 2012 05:56 م

هو الكلام بقى عالمكشوف كده؟ عليه العوض ومنه العوض.

11

انا بضيع يا وديع

بواسطة: ahmed ali

بتاريخ: السبت، 01 ديسمبر 2012 06:09 م

مين الصح و مين الغلط مش عارف افكر مصر اتقسمت نصين و انا و غيري كتير مش عارفين مين الصح و مين الغلط حرام عليكم اللي بتعملوه فى مصر ده لي اقارب اختلفت معهم فى الرأي و انتهت المكالمة بخلاف و زعل و الله حرررررررررررررررررررررااااااااااااااااااااام
منك لله يا حسني يا ترى ايه احساسه دلوقتي هل يقول خليها تولع و بيدعه ربه انه يسمحه قبل ما يقابله

12

نفسى فى سؤال لليبراليين وياريت اسمع اجابة

بواسطة: مصرى بيحب بلده

بتاريخ: السبت، 01 ديسمبر 2012 06:15 م

السؤال هو :: اولا قبل السؤال لليبراليين الرجاء لا تتحدثوا باسم الشعب المصرى واقسم بالله اما ما من الاخوان وبؤيد الاعلان الدستورى فلا تتحدثو الا بانفسكم السؤال هو
ليه خايفين من الاستفتاء مش انتو واثقيين ان الشعب المصرى هيرفض الاعلان الدستورى يبقا ليه المظاهرات والخوف ده لماذا لا نترك الصناديق تحكم ونشوف الشعب المصرى الا 90 مليون يقول كلمتهم والرجاء مرة اخرى لا تتحدثو باسم الشعب لان طوائف كتييييييييرة جدا ما نزلت وبتؤيد الاعلان الدستورى

13

عاشقة المحروسة

بواسطة: فيفي

بتاريخ: السبت، 01 ديسمبر 2012 06:17 م

منين ثوار ومنين تطيعو بديع ربنا خلكم احرار وانتم عبيد عند بديع

14

طول اليوم متابع للمسيرة ولم اسمع هذا الشعار

بواسطة: الحزمي

بتاريخ: السبت، 01 ديسمبر 2012 06:18 م


قد أختلف مع بعض الشعارات التي رددها المؤيدون ولكني لم اسمع هذا الشعار طوال اليوم من خلال متابعتي

15

كنت الناس كلها فهمت

بواسطة: فاهم

بتاريخ: السبت، 01 ديسمبر 2012 06:26 م

لحسن الحظ ان ربنا لسا بيحب البلد فكل ما الاخوان ربنا يورينا فضايحهم ... واظن كل حاجة وضحت من خلال شعاراتهم .. فاثبتوا ان ولائهم الاول للمرشد وليس للبلد .... ومجبتش حاجة من عندى

16

خريتها يا ريس

بواسطة: م ح

بتاريخ: السبت، 01 ديسمبر 2012 06:29 م

السيد بديع السلطان وسكرتيره مرسى ارجوكم اوقفوا الخراب واسسوا لوطن ديمقراطى بدل ما البلد تتطربق علينا كلنا

17

ربنا لا تؤخذنا بما فعل السفهاء منا

بواسطة: مصرى حر ........ لا يأتمر الا بأمر الله سبحانه وتعالى وليس بأمر مخلوق

بتاريخ: السبت، 01 ديسمبر 2012 06:32 م

فعلا ..................... يا بديع انت تأمر واحنا نطيع ........ يا بديع ............................... طالما كله بالفلوس ..... وحافلات النقل القادمة من محافظات مصر كأنها تحمل ............. ووجبة الاكل المعتبره اللى مش موجودة فى بيت اى واحد منهم

18

قولو امين يا جماعة

بواسطة: عمر

بتاريخ: السبت، 01 ديسمبر 2012 06:45 م

لو اللى بيعملو محمد مرسي لصالح الوطن والشعب فربنا يوفقه ... واذا كان بيعمل كده عشان مصلحته ومصلحة الاخوان فربنا ينتقم منه اشد انتقام ومن الاخوان

19

كفاية كذب بقي

بواسطة: داليا

بتاريخ: السبت، 01 ديسمبر 2012 06:48 م

محدش قال كدة خالص احنا بنتابع من الصبح
وبعدين فين اللي في التحرير التحرير فاضي علي الأخر
حسبي الله ونعم الوكيل

20

وداعا للخرفان الفلول

بواسطة: mkka

بتاريخ: السبت، 01 ديسمبر 2012 06:57 م

اتكسفوا بقى على دمكم وبصوا اولاد مرسى بيعملوا ايه من الصدمه المعارضين مش لاقيين كلام يقولوه لسه خرفان بتجرهم خرفان ده صمت الخرفان احسن لكم.

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة