تنسيق الجامعات الخاصة: 88% للطب و78% للصيدلة و70% للهندسة

الجمعة، 20 يوليو 2012 - 11:53 ص

صورة أرشيفية

كتب محمد البديوى

أعلن المجلس الأعلى للجامعات الخاصة، الحد الأدنى للقبول بالجامعات الخاصة للعام 2012-2013، حيث تحدد فى كلية الطب البشرى 88% وفى كليتى الصيدلة وطب الأسنان 78% وفى العلاج الطبيعى 75%، وفى الهندسة 70%، بزيادة نسبة 3% عن الحد الأدنى للقبول بالجامعات الخاصة العام الماضى.

وأوضح المجلس حسب بيان إعلامى له اليوم الجمعة، أن الحد الأدنى للقبول بالحاسبات 65% والتكنولوجيا الحيوية 67% والفنون التطبيقية والاقتصاد والإدارة والإعلام واللغات والاقتصاد والعلوم السياسية 60% والعلوم الاجتماعية والسياحة والتربية والحقوق والتمريض والعلوم الطبية التطبيقية والمساعدة 55%.

أما بالنسبة للحد الأدنى لنسبة قبول الطلاب غير المصريين بكليات الطب البشرى وطب الأسنان والصيدلة والعلاج الطبيعى والهندسة فهو 65%، وكليات الحاسبات 62% والتكنولوجيا الحيوية 65%.

تعليقات (31)

1

سؤال

بواسطة: رامي علامه

بتاريخ: الجمعة، 20 يوليو 2012 12:31 م

انا عاوز اعرف ايه الجامعات الخصه بيطلبو ايه لدخول فيها انا عاوز اخش جامعه خاصه لكن انا معايه دبلوم صنايع

2

اقتراح جميل

بواسطة: المواطن مصرى

بتاريخ: الجمعة، 20 يوليو 2012 12:58 م

الي رقم (1) المهم يكون معاك فلوس

3

منتهى الظلم .حسبنا الله ونعم الوكيل يعنى الطالب الفقير يكرة فقر ابوة

بواسطة: غريب

بتاريخ: الجمعة، 20 يوليو 2012 02:01 م

اظن كفايه ظلم بقى يعنى علشان الطالب ابوة فقير يحرم من الطب ويكون جايب 97 مثلا وواحد بزنونه خايب بس ابوة بتاع كباب او تاجر خردة او حرامى يدخل بالفلوس !!!!!!!!!!!!!!!!!!!!!

4

f;hl

بواسطة: ميدو

بتاريخ: الجمعة، 20 يوليو 2012 03:21 م

المهم بكاااااااااااااااااااااااااااااااااام

5

هأ ....قال يقولك ثورة و عدالة بتنجانية قال...

بواسطة: خالد أبو خضرة

بتاريخ: الجمعة، 20 يوليو 2012 03:35 م

و الله العظيم أنا أعرف طلبة مكافحة جايبة 98% و ممكن ما تجيبش طب بشرى وغيرهم غشاشين سنة الثورة ال انكشفوا فى المرحلة التانية أهاليهم معاهم فلوس عاملينها من الحلال يا دانص هيدخلوا الطب الدليقرى دا وسلملى ع العدالة و الثورة
وبالنسبة للأخ نمرة 1 ما تقلقش ناس كتير بدبلوم صنايع بقوا دكاترة المهم انت جايب مجموع كام

6

هأ ....قال يقولك ثورة و عدالة بتنجانية قال...

بواسطة: خالد أبو خضرة

بتاريخ: الجمعة، 20 يوليو 2012 03:35 م

و الله العظيم أنا أعرف طلبة مكافحة جايبة 98% و ممكن ما تجيبش طب بشرى وغيرهم غشاشين سنة الثورة ال انكشفوا فى المرحلة التانية أهاليهم معاهم فلوس عاملينها من الحلال يا دانص هيدخلوا الطب الدليقرى دا وسلملى ع العدالة و الثورة
وبالنسبة للأخ نمرة 1 ما تقلقش ناس كتير بدبلوم صنايع بقوا دكاترة المهم انت جايب مجموع كام

7

حرام حرام حرام حرام حرام حرام

بواسطة: سعيد فاروق علي

بتاريخ: الجمعة، 20 يوليو 2012 06:16 م

والله العظيم حرام اللي بيحصل ده بقي اللي معاه فلوس وأبنه جايب مجموع قليل علشان هيدفع للجامعه فلوس يقبل واللي لم يكن عنده فلوس يخش كليه لم يرغب فيها والله العظيم هذا حصل يوم نتيجه الثانويه العامه لم تظهر اللي ساعه صلاه المغرب وصليت ولاقيت بنتي تبكي بشده فقلت في أيه انتي سقطتي ولاأيه وكنت من المنظر أكاد أصاب بجلطه فقالت لي بنتي أنا جبت94وكسور % قلت طب كويس يابنتي ده أنتي كده تخشي طب أوصيدليه اللي أنتي عايزه تخشيها وأنتي حاطه رجل علي رجل قالت يابابا الصيدله بتاخد من 96% يعني واح%وكسور ضيع امال بنتي اللي بصراحه عملت اللي عليها في المذاكره وعلشان أحنا في بلد اللي مماعهوش مايلزموش وطبعا أنا موظف ويدوب المرتب يكفي بالعافيه طيب حد بن حلال يدلني اعمل في حرق أمنيه بنتي اللي غايه دلوقتي بتكبي واللي حز في نفسي أن بنتي هي قرأت هذا الموضوع وطبعا أنا بقيت قزم لاني لم احل مشكله بنتي والله العظيم قالت حسبي الله ونعم الوكيل المفروض أن يكون القبول بالكليات الخاصه الفرق بسيط في الدراجات علشان التكافؤ العلمي مش الفرق 10 و15 و20 % يخش كليات قمه والليجايب مجموع أعلي ما يخش حسبي الله ونعم الوكيل

8

تمام

بواسطة: عبدالرحمن

بتاريخ: الجمعة، 20 يوليو 2012 10:38 م

انا ابويا معاه فلوس كدا حلو انا فرحان اوى اوى اوى ابويا بيجبلى كل حاجة و هيدخلنى

9

خراب يامصر خراب

بواسطة: samehaltonsi

بتاريخ: الجمعة، 20 يوليو 2012 10:51 م

انا عايز افهم بقه طالب جايب70% يدخل هندسه بمستواه المتوسط ده وبالتالى هيخرج من الجامعه مستواه على اده وهيروح يمارس وظيفتة وهيطلع عمارة 11 دور فى اسكندريه وتروح العمارة واقعة على تالت اربع عماير موقعاهم ويكون الضحايا 20 ولا30 بنى ادام مش مهم محنا عندنا ناس بتموت كتير من غير سبب عشان احنا مش عايزين نعرف السبب السبب هو الخبر اعلاه طبق دة على كلية الطب والصيدلة فعلا خراب يا مصرخراب

10

هههههه

بواسطة: سمر

بتاريخ: الجمعة، 20 يوليو 2012 11:42 م

و دى مصاريفها كام ؟؟؟؟

11

fact

بواسطة: inharitance

بتاريخ: السبت، 21 يوليو 2012 07:08 ص

على فكر كل العالم كدا , و مش لازم الى جايب 99% دا يكون مبدع زى واحد جايب اقل منه و حصلة زرف او اى سبب ,الناس اه ليها حق تكلم على الناس الى جابت و مدخلتش بس دة مش عيب جمعات خاصة انها تتهاجم دة عيب تنسيق فى بلدك المفرود ميكنش فى تنسيق كدة لان كدا الناس الى بتضع التنسيق مش بيفرق مين جايب كام ولا دا اداءه الذهنى عامل ازاى كدا الجامعات الحكومية بتلعب مع الطلبة بالحظ لاكن محدش يهاجم جامعات خاصة دة مش سبب الى يقوللك ظلم و حرام دا فى ناس فى الخاص احسن من اى حد فى الحكومة

12

اعمل ايه

بواسطة: ام مى المحروق دمها

بتاريخ: السبت، 21 يوليو 2012 09:35 ص

فعلا حسبنا الله ونعم الوكيل انا ابنتى كان نفسها تدخل صيدله وجابت 94,7 منن عشره يعنى فرق 2%عن صيدلة الحكومه يعنى علشان 2% ندفع 150 الف جنيه او 200 الف جنيه للجامعات الخاصه دا غير الدروس الخصوصيه طوال عامين فى الثانوى طيب نجيب منين حتى لو بعت اللى معايا من دهب مش هيجيبوا حق تيرم واحد ....يعنى امال بنتى تحطم وربنا المستعان حسبى الله ونعم الوكيل فى ظلم البلد دى اللى عمرها ما هتنعدل ولا ينصلح حالها يا رئيس الجمهوريه نظره للتعليم فى مصر حتى ع الاقل اللى جايين بعدنا ما يدوقوا مرارة اللى شفناه

13

اين الحرية والعدالة والثورة

بواسطة: المارد

بتاريخ: السبت، 21 يوليو 2012 11:09 ص

ظلم علمى رياضة فى الأمتحانات وكمان فى التصحيح وكمان التنسيق حسبى الله ونعم الوكيل

14

الغني ليه الدنيا والفقير ليه الاخرة

بواسطة: طه سماعيل زوين احمد

بتاريخ: السبت، 21 يوليو 2012 06:15 م

يعني دلوقتي لو واحد فقير وعايز يدخل كلية خاصة يعمل يه

15

المفروض بقا نلغي التعليم العام ونخلينا في الخاص

بواسطة: محمد جمال عاشور

بتاريخ: السبت، 21 يوليو 2012 09:18 م

اه والله ما دام التعليم الحكومي كده يعني انا مش فاهم ليه بيطلعوا عينا في الثانوية العامه سنتين ويفحتونا في علمي الرياضة لا وكمان رفعوا التنسيق يا ولاد ال...... والله العظيم شكل وزير التعليم بياخد ارباح من الجامعات الخاصة عشان كده بيودلهم الدفعة مع العلم ان اكثر من 90 في المائه من دفعتنا داخلة جامعات خاصة حسبي الله ونعم الوكيل والي مش لاقي ياكل مالهوش الحق في التعليم المحترم بالله عليكم هي دي اهداف ثورتنا

16

حراااااااااااااااام

بواسطة: ريهام عمارة

بتاريخ: الأحد، 22 يوليو 2012 07:34 ص

الجامعات الخاصة دى مشروع فاشل وبجد لازم يتلغى علشان حرام والله كدة بقى معاك قرش تسوى قرش واللى قاعدين حرقين دمهم طول السنة فى المذاكرة ميلحقوش يدخلو الجامعة اللى عايزنها علشان التنسيق العالى بسبب الجمعات الخاصة

17

طيب و الثانوي الازهري ؟

بواسطة: محمد عادل

بتاريخ: الجمعة، 27 يوليو 2012 05:20 م

هل التنسيق ده للأزهر والعام ولا للعام بس ؟

18

اللي معاه فلوس يعمل اللي هو عايزه

بواسطة: Amira

بتاريخ: السبت، 28 يوليو 2012 09:50 ص

انا شايفة ان التنسيق الجامعات الخاصة لازم يعلي لان فعلا مينفعش واحد جايب 99 يتقارن بواحد جايب 88 و الاتنين في الاخر هيطلعوا دكاترة بس يا جماعة اكيد هيبقي في فرق بين دكتور شاطر و دكتور فاشل بس مش معني كده ان الجامعات الخاصة وحشة بالعكس دي بتأهلك انك تدخل الكلية اللي نفسك فيها لو مجموعك مجبش جامعة القاهرة هي كل المشكلة ان المجاميع قليلة اوي يعني انا جايبة 91 هدخل هندسة خاصة لو التنسيق مجبليش جامعة القاهرة ازاي بقا واحد يبقا جايب 70 ويدخل نفس الجامعة . المشكلة في الفلوس اللي معاه فلوس في البلد دي يعمل اي حاجة و انا لسه عند كلامي يعني انا لما اتخرج من الجامعة عمري ما هبقي زي واحد متخرج من جامعة حكومية اكيد هيبقي في بينا فرق و اكيد هيبقي هو احسن مني

19

عيب والله

بواسطة: على احمد

بتاريخ: الأحد، 29 يوليو 2012 05:43 م

تخيل فرد من اسرتك متوجه للعلاج والطبيب ابو 88% هو المعالج اذا كان مفلحش من البدايه جاى يفلح مع الخاصة اللى اتعملت علشان البيزنس يعنى ركن كبير من الفساد فى هذة البلد مازال قائم وشكرا.....

20

الجمعات الخاصه

بواسطة: طالب حسبات ومعلومات " جامعه مصر للعلوم والتكتنولوجية"

بتاريخ: الإثنين، 30 يوليو 2012 02:05 م

يا جماعه والله انتو فهمين حوار الجمعات الخاصه غلاط على فكره هيا اه بفلوس واكيد ظلم للناس الى ربنا موفقهاش ودخلت حاجه هيا حباها بس عدد الجمعات الحكوميه اكبر بكتير من الجمعات الخاصه وفى كل المجالات وده يدل على ان سبب عدم قبوله فى الكليه الى هو عيز يدخلها ان فى اكتر منه ذكرو اكتر وتفوقو عليه ودخلوها فلازم يرضى بحاجه زى ديه اما حوار ان تنسيق الخاص من تحت فا ده طبيعى احنا فى الجماعات الخاصه بندرس بذات فى الكليات العلميه بنضرب على اعى الاجهزه وعملى على طول يعنى الجامعه بتدفع كتيييييييير اوى علينا فا بالطبيعى لو رفعو الجمعات خلوها زى الحكومه او اقل منها بشويه اكيد الكليات مش هتلاقى طلاب يدخلوها انا فى حسبات ومعلومات الدفعه بتعتى رغم انها بتاخد من نسبه قليله بس الدفعه بتعتى 167 واحد بس !!
واهم حاجه انتممتعرفوهاش الناس ديه تقدر تدخل اه وهى جيبه مجموع اقل من الحكومه بس فى معظم الكليات الخاصه مش بينجحو بالساهل انا عن نفسى فى الجامعه بتعتنا النجاح مش من 50% زى باقى البشر النجاح عندنا من 60%
تحياتى للجميع وربنا يوفقم كلكم

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر تعليقاً