109 آلاف ناجح بالثانوية العامة يبدأون تنسيق المرحلة الأولى بنسبة 93.9% لعلمى رياضة و96.34% لعلمى علوم و82.92% للأدبى.. والجامعات الخاصة: 88% للطب و78% للصيدلة و70% للهندسة بزيادة 3% عن العام الماضى

السبت، 21 يوليو 2012 - 08:15 ص

تنسيق الثانوية العامة

كتب محمد البديوى

يبدأ التنسيق الإلكترونى صباح اليوم، السبت، فى استقبال طلاب المرحلة الأول للتنسيق للقبول بالجامعات، البالغ عددهم 109 آلاف و171 طالبًا وطالبة، بحد أدنى 385 درجة للشعبة الهندسية علمى رياضة بنسبة 93.9%، و395 درجة للشعبة العلمية علمى علوم بنسبة 96.34%، و340 درجة للشعبة الأدبية بنسبة 82.92%، وذلك حتى يوم الأربعاء المقبل.

وأوضح مكتب التنسيق، أن القبول سيكون عن طريق شبكة الإنترنت "التنسيق الإلكترونى" كخدمة مجانية متاحة من خلال الموقعين التاليين:: www.Tansik.Egypt.gov.eg موقع تنسيق الجامعات، www.Egypt.gov.eg أو بوابة الحكومة المصرية، سواء من خلال الحاسب الشخصى أو سايبر النت، كما تشغل الخدمة بمعامل الحاسبات بالجامعات المصرية خلال المدة المحددة لكل مرحلة تنسيق.

فيما أعلن المجلس الأعلى للجامعات النسب الخاصة بالحد الأدنى للقبول بالجامعات الخاصة للعام 2012-2013، فى كلية الطب البشرى 88% وفى كليتى الصيدلة وطب الأسنان 78% وفى العلاج الطبيعى 75% وفى الهندسة 70%، وذلك بزيادة نسبة 3% عن الحد الأدنى للقبول بالجامعات الخاصة العام الماضى.

وأوضح المجلس خلال بيان، أن الحد الأدنى للقبول بالحاسبات 65% والتكنولوجيا الحيوية 67% والفنون التطبيقية والاقتصاد والإدارة والإعلام واللغات والاقتصاد والعلوم السياسية 60% والعلوم الاجتماعية والسياحة والتربية والحقوق والتمريض والعلوم الطبية التطبيقية والمساعدة 55%..

أما بالنسبة للحد الأدنى لنسبة قبول الطلاب غير المصريين بكليات الطب البشرى وطب الأسنان والصيدلة والعلاج الطبيعى والهندسة فهو 65%، وكليات الحاسبات 62% والتكنولوجيا الحيوية 65%، مع الالتزام بالقرارات الخاصة بالدول التى طلبت معاملة الطلاب المصريين.

تعليقات (20)

1

اسكندرية

بواسطة: الزعبلاوى

بتاريخ: السبت، 21 يوليو 2012 09:55 ص

فى مشكلة كبيرة دلوقتى
انا واخد لغن تانية أيطالى
لما فتحت الموقع لقيتها فرنساوى
ازاى كده؟؟؟؟
وايه الحل؟؟؟؟؟
وللعلم هذه المشكلة تواجه جميع الطلاب الذين أختاروا لغة تانيه غير الفرنساوى

2

تنسيق المرحلة الثانية من الثانوية

بواسطة: محمد ابراهيم عبد المعطى عبد الفتاح

بتاريخ: السبت، 21 يوليو 2012 11:07 ص

عاوز اعرف الهندسة هتاخد من كام السنة دى بحد ادنى

3

؟؟؟

بواسطة: نور الاسلام

بتاريخ: السبت، 21 يوليو 2012 12:00 م

حد ادنى لطب اسنان كم ؟؟

4

كليه الهندسه

بواسطة: محمود السيد عبدالله

بتاريخ: السبت، 21 يوليو 2012 12:02 م

اريد معرفه الحد الادنى لكليه الهندسه

5

بوم

بواسطة: ياسر مصطفى البلقاسى

بتاريخ: السبت، 21 يوليو 2012 12:19 م

الله يخرب بيتكم هوه الطب باظ من شويه يعنى واحد يجيب 88 % ويدخل طب بفلوسه واحد يجيب 96.6 وميلحقش حاجه هوه الميكانيكيه قلوا من شويه مكلهم دخلوا طب

6

تنسيق المرحله الاولى من الثانويه

بواسطة: بنت مصر

بتاريخ: السبت، 21 يوليو 2012 12:28 م

انا جايبه96.34 وعايزه اعرف الكليات المناسبه لمجموعى والحد الادنى لكليات الصيدله والعلاج الطبيعى بالله عليكم الى عنده اجابه شافيه ومفيده يرد

7

5

بواسطة: وفاء

بتاريخ: السبت، 21 يوليو 2012 12:34 م

متي تبدا المرحلة الثانية

8

؟؟؟؟؟؟؟؟؟؟؟؟

بواسطة: الجمام

بتاريخ: السبت، 21 يوليو 2012 12:44 م

ياجماعة كل ماأكتب رقم الجلوس يقول لى خطأ فى رقم الجلوس ياريت د يقولى ايه سبب داه

9

الوزارة الظالمة

بواسطة: واحدة التنسيق ظلمها

بتاريخ: السبت، 21 يوليو 2012 01:18 م

ربنا يخرب بيتكم هو دا عدل الا جايب 60% يدخل طب علشان معاه فلوس وهو مش فاهم حاجة ويتساوى بالا تعب وفى الاخر بوسطة حلوة يشتغل فى مكان هو ما يستهلهوش ونقول لازم نتغير

10

اللى تقابلة مشكلة

بواسطة: ahmed

بتاريخ: السبت، 21 يوليو 2012 01:25 م

يغير البراوزر

11

تنسيق الادبى

بواسطة: sahar elshorbage

بتاريخ: السبت، 21 يوليو 2012 01:43 م

ليه تنسيق المرحلة الاولى ادبى لسه ما نزلش وامتى هينزل

12

لالالالالالالالالالالالالالالالالالالا

بواسطة: bark

بتاريخ: السبت، 21 يوليو 2012 01:48 م

طب و الى جايب 93.8 علمى رياضة يعمل اية يولع ف نفسة

13

فوضت امرى لله فى وزير التعليم

بواسطة: غريب محمد من السويس

بتاريخ: السبت، 21 يوليو 2012 01:53 م

حسبى الله ونعم الوكيل اللى بيجامل نقباء الطب والهندسه ورؤساء الجامعات الخاصه على حساب طموح الطلبة المتوفقين البسطاء امثال بنتى اللى جابت 96 بالمائة ومش حتلحق كليه من كليات الطب

14

9

بواسطة: ميرو

بتاريخ: السبت، 21 يوليو 2012 02:08 م

ياجماعة كل ماأكتب رقم الجلوس يقول لى خطأ فى رقم الجلوس ياريت د يقولى ايه سبب داه
ردو عليا بسرعه عشان تقديمى النهاردة

15

shobra

بواسطة: ragab elsharkawy

بتاريخ: السبت، 21 يوليو 2012 02:19 م

يا جماعه كليه هندسه شبرا بتاخد من كام

16

منك لله

بواسطة: ahmed

بتاريخ: السبت، 21 يوليو 2012 02:24 م

ربنا ينتقم منك يا وزير التعليم العالى ومن اولادك

17

رقم الجلوس خطأ

بواسطة: سارة

بتاريخ: السبت، 21 يوليو 2012 02:28 م

دخلت رقم الجلوس والرقم السرى كذا مرة
وفى كل مرة بيقوللى رقم الجلوس خطا ؟؟

اعمل ايه ؟؟ فيه حد عنده نفس المشكلة ؟؟

18

الثانويه عامه

بواسطة: نور الدين عبد المحسن

بتاريخ: السبت، 21 يوليو 2012 02:32 م

اللله يخرب بيتك ياااااااااارب يا وزير التربيه وتعليم انا واحد من قنا انت السبب في ان مصر هتتاخر منك وبسببك حسبي الله ونعم الوكيل فيك يا وزير

19

الى رقم 8

بواسطة: علاء عبد المنعم محمد

بتاريخ: السبت، 21 يوليو 2012 02:43 م

الى رقم 8 الدخول عن طريق متصفح انترنت اكسبلورار و ليس جوجل كروم او فاير فوكس

20

اجابه لسؤال 8 و 14

بواسطة: سوسو

بتاريخ: السبت، 21 يوليو 2012 02:48 م

اجابه لسؤال رقم 8ورقم 14 اشتغل ع انترنت اكسبلورار هو المتبرمج عليه برنامج التنسيق

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة

الأكثر تعليقاً