بعد غرق طفل بحمام سباحة مدرسة "رويال هاوس".. أولياء الأمور يعتزمون نقل أبنائهم العام المقبل ويتهمون إدارة المدرسة بالتقصير والإهمال.. و"التعليم": أحلنا القضية للنيابة ولا يحق لنا غلق المدرسة

الإثنين، 15 أبريل 2013 - 02:33 م

دكتور إبراهيم غنيم وزير التعليم

كتبت سارة علام

أثارت واقعة غرق الطفل محمد حسين بالصف الثانى من رياض الأطفال، بحمام سباحة مدرسة "رويال هاوس سكول"، العديد من ردود الفعل الغاضبة بين أولياء الأمور، الذين أكدوا تقصير إدارة المدرسة وإهمالها.

بينما أكدت دعاء أحمد، والدة طفلة زميلة للطفل الغريق، أن ابنتها رأت زميلها من شباك الفصل طافياً على سطح الماء، ومنذ ذلك الوقت وهى تعيش حالة هلع شديدة، وتخشى الذهاب للمدرسة، مؤكدة أنها ستنتظر حتى نهاية العام الدراسى وتنقل ابنتها لمدرسة أخرى.

فيما وصف أحمد محمد عبد العظيم، ولى أمر لطفلة بالمدرسة، ما حدث بالكارثة التى تعبر عن مدى الإهمال المتراكم خلال الفترات السابقة، والتى لمسها أولياء الأمور وشكوا منها مع إصرار إدارة المدرسة على عدم الاعتراف بالفشل، مطالباً بتقديم شكوى ضد المدرسة لوزارة التربية والتعليم.

من جانبه، أكد محمد السروجى، المتحدث الرسمى باسم وزارة التربية والتعليم، أن الوزارة لا يحق لها غلق مدرسة رويال هاوس سكول بعد مصرع طفل بها غرقاً فى حمام السباحة.

وقال السروجى لـ"اليوم السابع"، إن تقرير أمن الوزارة يفيد بأن المشرف على الأوتوبيس المدرسى ترك الطفل فى المدرسة بعد انتهاء اليوم الدراسى بسبب الإهمال فألقى الطفل بنفسه فى حمام السباحة ومات غريقاً.

وأوضح السروجى، أن الوزارة أحالت الواقعة للنيابة العامة التى تتولى التحقيق حالياً وهى جهة قضائية أعلى من الوزارة فى أحكامها وعقوباتها ومن ثم لا يحق للوزارة اتخاذ أى إجراء مثل غلق المدرسة.

وأضاف، غلق المدرسة يعرض آلاف التلاميذ والمعلمين للتشريد، وهو إجراء غير قانونى، لا يحق للوزارة اتخاذه، مشيرا إلى أنه فى حالة الإهمال تضع الوزارة المدرسة تحت رقابة التوجيه المالى والإدارى.

تعليقات (10)

1

لو ابنك

بواسطة: kmal

بتاريخ: الإثنين، 15 أبريل 2013 04:50 م

لو دا ابن السيد محمد السروجي او ابن سيادة وزير التعليم كان حيكتفي بجعل المدرسه تحت رقابه ماليه راعو ربنا في عملكم

2

اللهم عليك بعبدالله عمارة

بواسطة: شباب ضد الفساد

بتاريخ: الإثنين، 15 أبريل 2013 10:17 م

اصل عبدالله عمارة قاعد متعنتز على الكرسى وحاطط رجل على رجل ومحدش عارف يكلمه اصل ده الصندوق الاسود وفرعون الوزارة اللى قاعد على حس ثلاث وزاراء لكى الله يا مصر

3

بلاش كدب

بواسطة: عمرو كمال

بتاريخ: الثلاثاء، 16 أبريل 2013 07:00 م

اصلا الولد غرق فى اول اليوم ايه الكدب ده دا انتى حتى بتقول ان فى بنت شأفتهم من الفصل ازاى واليوم خلص أنا ابنى فى المدرسه والولد غرق فى اول اليوم بلاد تاليف

4

غرق طفل برى

بواسطة: والده طفل بالمدرسه

بتاريخ: الثلاثاء، 16 أبريل 2013 07:55 م

كل ده اهمال ولازم كل من شارك فى الجريمه دى يتعاقب و كمان يعنى ايه الولد ألقى بنفسه فى حمام السباحه ( أنتحر يعنى ) أصبح الطفل هو المسئول ؟ و كمان حمام السباحه له باب أزاى يفضل مفتوح للاطفال من غير رقابه . أتقوا الله فى أولادنا حرام عليكوا

5

تقرير خطا

بواسطة: ayman

بتاريخ: الثلاثاء، 16 أبريل 2013 11:14 م

وقال السروجى لـ"اليوم السابع"، إن تقرير أمن الوزارة يفيد بأن المشرف على الأوتوبيس المدرسى ترك الطفل فى المدرسة بعد انتهاء اليوم الدراسى بسبب الإهمال فألقى الطفل بنفسه فى حمام السباحة ومات غريقاً.
الولد توفي الساعه الثامنة ونصف صباحا (انتو نايمين والا اية حسبي الله ونعم الوكيل)

6

شبرامنت

بواسطة: شيماء

بتاريخ: الأربعاء، 17 أبريل 2013 10:11 ص

انا ليا ولدين فى المدرسة .المدرسة دى اصبحت سيئة السمعة مفيش اهتمام بالاطفال والمشرفات بتسيب الاطفال تروح الفصول لوحدها بسبب الكسل وكل طفل بيروح مكان غير مكانة غير ان المدرسة اتسعرت على الفلوس ةكل سنة فى تزايد فظيع فى المصاريف .اتقوا ربنا حرام عليكو حسبى الله ونعم الوكيل لازم نعمل وقفة احتجاجية علشان ناخد حق ولادنا

7

على فكرة الولد توفى فى وقت الطابور !

بواسطة: Abdelrahman

بتاريخ: الأربعاء، 17 أبريل 2013 10:36 م

على فكرة المشرفات الكتير دول مطلوب منهم شغل كتير جدا و بيخدو 450 جنية بس !! و المدسة بتاخد المصاريف تحوطها فى جيبها

8

الولد مات الصبح بلاش كدب

بواسطة: ادم

بتاريخ: الأربعاء، 17 أبريل 2013 11:04 م

المدرسه بقت مهمله أوي الولد مات الصبح أول ما وصل المدرسه أنا أبنى فيه وعرفت الخبر أول ماحصل كل قل أهتمام بلفلوس وبس

9

منقذ سباحة

بواسطة: ابو عبدالله

بتاريخ: الأربعاء، 17 أبريل 2013 11:12 م

انا موجود بره مصر وعندي بنت في kg1 واخوها السنه الجايه هيدخل kg1 زيها
طبعاً خبر زي ده يخليني اترعب على العيال وخصوصاً انهم في سن الطفل المتوفي الله يرحمه ويصبر اهله
انا بطالب انه يتم تعيين منقذ سباحة يكون على حمام السباحة طول اليوم الدراسي طول العام او يتم اغلاق حمام السباحة
مش عايزين النشاط ده او هنضطر نترك المدرسه

10

مدرسه اولادنا

بواسطة: تامر حسين

بتاريخ: الخميس، 18 أبريل 2013 06:36 م

على فكره التقرير ده غلط لانه فعلا الولد غرق الضبح قبل الطابور انا ليا ولدين واحد فى كجى1 والتاتى فى 3ابتدائى لكن انا فعلا اعيب على المدرسه انها فعلا بدات تنشغل بلم الفلوس وبس

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق

بروتوكول نشر التعليقات من اليوم السابع

الأكثر قراءة