"أجمد إفيه".. مسجل خطر لـ"90 دقيقة": "بسمع كلام الكبار وبحب العيال الصغيرة".. وبحل المشاكل بالحب ومعايا ورقة من الجمعية بالقهوة.. و"كنت نايم والحملة هدتها".. وشردى: "الجمعية تديك فرختين مش أراضى دولة"

شهد برنامج "90 دقيقة"، مداخلة هاتفية طريفة وطويلة بين الإعلامى محمد مصطفى شردى، ورائد أبو شريعة، أحد المسجلين الخطر، الهارب من أحكام جنائية بالاعتداء على المواطنين وقطع الطرق والبلطجة على المواطنين للسيطرة على أموالهم بالإكراه فى محافظة الشرقية، وتمثلت طرائف الحوار منذ بدايتها، وننشر نص المداخلة..

شردى: لو سمحت وطى التلفزيون شوية علشان نعرف نتكلم
رائد: حاضر بس أنا مش سامع حضرتك لو سمحت على الصوت شوية عايز اسمعك هوطيه بس
شردى: مكلش دعوة بالتلفزيون اقفله خالص وخليك معايا من التليفون
رائد: أنا عليت التلفزيون شرطة واحدة بس
شردى: اقفل التلفزيون
رائد: أنا مش مشكلتى التلفزيون المشكلة فيا أنا
وبعد أن تطرق رائد أبو شريعة "مسجل خطر"، للدفاع عن نفسه فى قضية استيلاء على أموال المواطنين بمركز أولاد صقر بالشرقية، رفض اتهامه بالبلطجة وقطع الطريق واستغلال المواطنين من أجل الحصول على أموالهم، وشهد نص المكالمة ما يلى:

شردى: انت ايه قوتك انك تخلص المشاكل بين الناس
رائد: أنا بحب الناس وبحب العيال الصغيرة وبسمع كلام الكبير ومش بلطجى وبخلص المشاكل بالحب
شردى: القهوة بتاعتك لها رخصة من الحى
رائد: الجميعة الخيرية عطيانى ورقة
شردى: جمعية خيرية إيه!! الجمعية دى تديك دكر بط وفرختين مش أرض دولة
رائد: دكر البط والفرختين مربيهم فوق عندنا على السطوح
شردى: انت كنت فين لما الحملة كانت بتهد القهوة بتاعتك
رائد: أنا كنت نايم


أخبار متعلقة:
مسجل خطر لـ"90 دقيقة":"أنا مش بلطجى وبحب الناس خصوصا العيال الصغيرة"