لا عدلتى المايلة يا ليلى
ولا قلبك بطل نواح
ودموعك ع الخدين سايلة
م الليل ولحد الصباح
مع إن الحلم لسه أخضر
والجرح أهو عامل متخدر
وأنا تايه محتار وبدور
ع الخير وشوية براح
***
يا سفينة وشطك متغرب
بيقرب وف ثانية بيهرب
عطشان والحلم يادوب أشرب
من يدك مرة وأرتاح
***
يا حبيبة وحبك مش نظرة
حبك ف القلب أكيد فطرة
مستنى الفكرة تشوف بكرة
واغزل من صبرك أفراح
صورة أرشيفية
مشاركة
اضف تعليقاً واقرأ تعليقات القراء
مشاركة