أيوه دمى دم تانى
نفس دم الأولانى
دم أخويا وابن عمى
دم أحمر لونه قانى
جاى بيصرخ م اللى ظالم
واللى إرهابى وأنانى
......................
جاى بتار جاى بنار
ناره قايده جوة قلبى
غرق الدنيا بحالها
نبعه صافى من مكانى
جوة خيمة أو معسكر
أو كمين
واقف متدفى بإيمانى
.....................
بس خاين من بعيد
جاى يدور مين حمانى
شاف له ثغرة قال دى فرصة
ألف خيبة فرصة مين
دا قرار
صادره رب العالمين
قال ساعتها
ودع الدنيا وتعالى
قلت سايب كل شىء
مش كفاية
ألقى فى الجنة مكانى
تفجيرات العريش
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
سيف الدين ادريس
والله زمان
عدد الردود 0
بواسطة:
صفاء الليثي
بسيطة وعبقرية