آه ياولادى
فى شهر ميلادكم وميلادى فى شهر النصر
برصاص الغدر رموكم وقلبى يتعصر عصر
بإيد إرهابى غادر استكتر على وعليكم الفرح
أجسادكم عـــ الأرض تنادى جاى بعدنا ألف طرح
آه ياولادى
كنتم أسود حامية ضهرى كنتم شايلين عنى هم
اللى طامع واللى خاين واللى إيده ملطخة بالدم
كل واحد منكم عارف إن بكرة ممكن ميجيش
بس واقف وبيردد نموت ولازم بلدنا تعيش
آه ياولادى
مستحيل أنسى نظرة الأمل بعيونكم الطيبين
واللى مستنى أجازته وعرسه اليومين الجايين
واللى رايح لحضن أمه سبق الموت وراح لربه شهيد
خلص الكلام خلص الكلام والقصاص جاى أكيد
خلص الكلام والله أكبر من كل إرهابى عنيد
بكاء أم على ابنها الشهيد
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
fatenelboushi
مصر قالت لأولادها
عدد الردود 0
بواسطة:
عزة محمود
الله يرحمهم فى الجنة ونعيمها