محمد عبد الله طاهر يكتب: حلق حوش

لعبنا زمان حلق حوش
دلوقتى حياتنا وسط وحوش
كنا عايشين ببعض قروش
دلوقتى العيشة بقيت فنكوش
رسمنا زمان حياتنا نقوش
دلوقتى الرسم منعرفهوش
كانت رءوسنا مرفوعة لفوق
وكل حياتنا أدب وذوق
دلوقتى القلب بقى محروق
والكل ناسى ربنا فوق
ياللا يا عمر عدى قوام
دا العيشة خلاص بقت أوهام
حياتنا يا ناس بئيت ركام
وفى الزحام ماتت أحلام
الحق والصدق مبيتقابلوش
وحياة الناس بئيت نعوش
ما الكل عايشها حلق حوش
وهى خلاص بقيت فنكوش
ناس قاعدين يربوا فى كروش
عايشين فى وهم مابيتهدوش
عايشين فى وهم مايتحاسبوش
ما هم فى الدنيا عايشين قروش
كلهم لابسين أغلى وشوش
وواقفين فى العالى فوق العروش
وهوبا فجأة تتشق قبور
ساعتها يقولو للدنيا تغور
دلوقتى يا عم ايه مستور
ده بلاويكوا فى الدنيا بحور
معملتوش ليه ليوم الحساب
نسيتوا أن للآخرة كتاب
صحيح ربنا رحيم تواب
بس انتوا عقلكو هو اللى غاب
دوقوا بئى طعم العذاب
ما انتو اللى افلتوا كل الأبواب