صباح الخير على عيونك
صباح الخير يا ست الكل
صباح الضحكة والبسمة
ياورداية ف وسط الفل
صباح الطيبة واللمة
وطبق الفول على السمنة
ده أحلى م فيكى طبطبطك
يا أحلى ملاك من الجنة
بتخدينى لبعيد دايما
وتحكيلى ف أسرارك
وأروح وأجرى ف حضن النيل
وبرجع أنام ف أحضانك
يا أرض الحب والإخلاص
بحبك رغم تكشيرتك
وأدافع عن تراب بلدى
وأموت لو حد جاب سيرتك
ما أنا ابنك
ولو أمى ف يوم تزعل
قوام بجرى وأصالحها
م أنا عاشق تراب بلدى
وعمرى ف يوم م حجرحها
بحبك رغم كل الصعب
وحبى كل يوم بيزيد
قالولى ليه بتعشقها
فقولتلهم دى أم شهيد
قسمت بحبى ووفائى
حشيلك جوة ننى العين
ولو تظهر عيون حاقد
حنمحيها ليوم الدين
حعلّى فيكى يا بلدى
وحبنى كل يوم أمجاد
وراح أزرع بذور الخير
وحمحى بإيدى أى فساد
نهر النيل
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
لا توجد تعليقات على الخبر
تم أضافة تعليقك سوف يظهر بعد المراجعة