د. صبرى إسماعيل يكتب: طلع النهار

طلع النهار-----والدنيا غنّت بالأمل
عايزه تِطول المستحيل---من بعد ليل
ولأن كل الكون فى إيده برحمته
ولأننا يشملنا كل محبته
رب الوجود المقتدر---كتب القدر
ياخد بإيدى فى لحظة التوهان
ما انا إنسان
مِن وِلد أدم زى كل الكون
عطشان لعفو المولى والرحمن
ما انا إنسان
باجرى عليه ربّى يكون يمّى
وارجوه ليقبل من دُعا أمّى
تزول ألامى وينتهى همّى
ما انا إنسان
أرسل جنود الرحمة لـ سريرى
تِمسح على قلبى بأمر الله
ياما آلاف من بشر غيرى
طابت بفضل المولى والمناجاة
ياما قلوب الحزن موتّها
أحياها رب العزة والمحاياة
ألفين إيدين تتمد لجبينى
كانوا الطبيب اللى شفانى دواه
الحمد لك أنت ياربّى
والشكر لك أنت يا الله