بعيش عمرى بلم ذنوب
وطول عمرى منايا أتوب
وبنوى كتير مفيش تغيير
صبح قلبى حجر من طوب
نسيت الآخره واتلهيت
نويت تانى أتوب ودعيت
يارب اهدينى واغفرلى
رزقنى الله زيارة البيت
هنا روحى ما تهوى رجوع
أتوه سارح وكلى خشوع
أزور البيت وألبى نداه
يدوب ذنبى ف بحر دموع
تروح روحى لأحلى حياة
يطير قلبى ياخدنى معاه
أشوف النور قصاد عينى
أطوف واسعى بذكر الله
توب الدنيا ماهوش موجود
دا توب أبيض جميل مفرود
لبيك ربى امنحنى رضاك
وأعود تانى كما المولود
شخص يناجى ربه - أرشيفية
مشاركة
اضف تعليقاً واقرأ تعليقات القراء
مشاركة