ناشد رشدى رسمى هنرى ( 40 سنة ) وهو فاقد ذراعيه فى حادث قطار، اللواء عمرو عبد المنعم محافظ القليوبية، بالموافقة على إعادة وضع الكشك الخاص به والمرخص له منذ عام 2004، فى شارع احمد عرابى بمنطقة ام بيومى بشبرا الخيمة، بالقرب من حى سكنه، وذلك حتى يتمكن من توفير مطالب أسرته.
يقول عيسى لـ"اليوم السابع": «أصبت من زمان فى حادث قطار وفقدت ذراعى الاثنين والناس ساعدتنى وفتحولى كشك سنة 2004 ورئيس الحى قفل الكشك فى 2014 بحجة رصف الشارع، وحتى الآن لم يتم رصف الشارع، وقال رشدى إنه حاصل على رخصة للكشك، ويناشد محافظ القليوبية بعودة الكشك مرة أخرى، ويقول أنا عندى رخصة وعاجز ومش عارف أكل واشرب منين وأولاد الخير هما اللى بيأكلونى ويشربونى والكشك هو اللى كان بيأكلنى ويشربنى، ومش عارف أكل وأشرب وعيالى هيتشردوا ومراتى كمان يعنى نروح نشحت فى الشارع ومش عارفين نعيش وعندى بنات على وش جواز والدنيا وكل حاجة غالية، بناشد المحافظ يرجعلى الكشك تانى حتى أستطيع إعالة أسرته وأولادى.
رجل فاقد ذراعيه يناشد محافظ القليوبية بعودة الكشك الخاص به ليعول أسرته
صورة من الوجه لبطاقة رشدى
صورة من الخلف لبطاقة رشدى هنرى
صورة من تجديد رخصة الكشك
تقرير طبى من وزارة الصحة عن حالة مرضه
