الشاعر طارق سعيد
مشاركة
مدفون فى جدار
بارز من قلبه وتد
وده أول مشهد
من بره الكهف
..كان بالخوف
بيحوم حواليهم واحد
مش متحدد شكل ملامحه
استنى النور ع الباب
شيلت النور ف الشنطة
ورمتها بعيد
غيرت سيناريو الحدوتة
وقفته هناك
مستغرب م اللى ها يحصل
وبعد الفصل التانى
دبحته
على صفحة جديدة
زَمْكِنت م الأول
واتأملت
........
جدران القصر
بره
قضيب القطر
اللون الأزرق هادى
ولو جلدى ما لبسنيش
فى ليلة برد
هارقص باليه
على وش الريح
مالى عينى بالتراب
وفى ايدى اليمين
سبحه
الموضوعات المتعلقة
مشاركة
