شكوى من انتشار الباعة الجائلين بشارع شبرا

عدد الردود 0

دى حقيقة

المنطقة المحيطة بمحطة مترو مسرة بقت سوق فيه كل انواع السفالة و الانحطاط و ماحدش للاسف بيقدر يتكلم مع البلطجية اللى شغالين هناك

عدد الردود 0

ودن من طين و التانية من عجين

يا ما الناس اشتكت بس للاسف الشديد ماحدش قادر يقف قدام البلطجية قدام الشربينى و قال ايه قسم روض الفرج فى اخر شارغ نشاطى و الناحية التانية فى شارع شبرا كمية عشوائيات و هدوم اكننا بقينا سوق مفتوح الواحد يطلع من المترو عالطول يقابل كل انواع العشوائية و التعدى على حقوق السير فى مكان محترم و كل ده و ماحدش عارف يقول للبايعين تلت التلاتة كام و حى الشمال جنبهم و لا حياة لمن تنادى

عدد الردود 0

لباعة الجائلين بشارع رمسيس

أريد أن أبلغ عن مخالفات الباعة الجائلين بائعى الفاكهة و شارع الفجاله وللأسف البلدية تأتى لأزالتهم ويعودوا مرة أخرى وشارع باب البحر بائعى السجاير المهربه

عدد الردود 0

هناك حالات تحرش

اشتكينا كتير جدا و فى البداية البلدية تيجى تلمهم انما ساعة زمن و يرجعوا تانى اسوأ من الاول و حالات تحرش و معكاسات و بلطجة و قلة ادب قدام مترو مسرة و محل هدير القديم الجماعة بتوع الحلويات السورى و غيرهم و الحى مش قادر يعمل حاجة

عدد الردود 0

اعلى ما فى خيل مسؤلين الحى

مسؤلين حى الشمال للاسف الشديد ساكتين تماما على الباعة الجائلين و سايبين الفاكهة و الهدوم و المواعين على عينك يا تاجر و لو حد حاول يتكلم الكل الباعة دول بلطجية بمعنى الكلمة يا ريت الشكوى توصل لمسؤلى محافظة القاهرة محطة مترو مسرة ارجوكم الحقونا من الباعة البلطجية

عدد الردود 0

ماحدش يرضى بكده

اشتكينا و بلغنا و فى الاخر بتوع الفاكهة قدام الشربينى بيطلعوا لسانهم للكل و بيرجعوا تانى و يضيقوا الرصيف و ماحدش قادر يكلمهم طب طالما الرئيس عايز مصر تطلع لقدام ليه ساكتين على بلطجة محتلى محطة مترو مسرة من الباعة البلطجية

عدد الردود 0

البلطجة طبعا تكسب

الى كل الاخوة المعلقين احنا يا ما حاولنا نشتكى و فى الاخر اللى بيتقال حاولوا تمشوا بعيد عنهم عشان دول شوية بلطجية عنده استعداد لاى حاجة عشان كده ماحدش عارف يقولهم امشوا و قاعدين مع المانجة و العنب و طبعا اللى يشتكى لا حياة لمن تنادى اكن مسرة دى منطقة زبالة و ماحدش مهتم بيها ليه ؟؟؟؟

عدد الردود 0

نظرة لاحياء شمال القاهرة

الواحد خلاص حط صوابعه العشرة في الشق من حى روض الفرج - لا حياة لمن تنادى اذا كان كل هذه الفوضى ملاصقة لمبنى الحى فماذا نقول عن باقى الشوارع و الحوارى؟ حدث و لا حرج. هذا غير الطريق الذى استقطعه الحى من الشارع بدلا من ان نسير فيه جعله موقف سيارات قلنا ماشى لكن ان يغلقوه بهذه الطريقة و تصبح كأنك تلعب المتاهة و تبحث اين المخرج هذا خلاف اغلاقهم لفتحة مترو مسرة . اذا اردتم ان تشاهدوا هذا تعالوا الى شارع شبرا امام مجمع احياء شمال القاهرة التي من الظاهر انها وقعت من قعر القفة