لا يخفى على أحد أن العديد من النساء يعشقن حقائب اليد، وربما أحيانًا أكثر من اللازم، للدرجة التى تجعلهن غير قادرات على الخروج بدونها، ولكن من كان يظن أنها ستصل إلى تخصيص يوم كامل من السنة للاحتفال بحقائب، حيث يحتفل العالم فى 10 أكتوبر من كل عام بـ "يوم الشنطة"، لذا طرحنا على الفتيات سؤال: إيه أغرب حاجة بتاخديها فى شنطتك وانتى نازلة؟ وإليكم الإجابات.
تنوعت إجابات الفتيات حول الأشياء الغريبة التى يضعنها فى حقائبهن، وارتبط بعضها بطبيعة عملهن أو كونهن أمهات، بينما بدا البعض الآخر تصرفًا غريبًا بدرجة ما، فقالت أسماء على سبيل المثال: "كانيولات وبلاستر طبي"، وعللت ذلك لكونها طبيبة تخدير وأن هذه الأدوات تعد بمثابة منقذ لها.
.jpg "شنط (1)")
شنط
وكان لأكياس القمامة نصيب كبيرة من إجابات الفتيات، حيث قالت كل من "منة ودعاء وعزة وياسمين" إنهن يحملن معهن كل الأكياس المتبقية من الحلوى، أو ورق اللبان والمناديل المستعملة التى من المفترض أن يكون مصيرها القمامة.
"باخد فيها الشقة كلها احتياطي" كانت هذه هى الإجابة التى اتفق عليها الكثير من الفتيات فى الحديث عن حقائبهن، وبسؤال إحداهن عن التفاصيل قالت مريم: "دايما معايا توكة وأنا محجبة أصلا، وإكسسوارات بزياة عشان لو زهقت من اللى لابساها، ومناديل بكل أنواعها، وكحول ونسكافيه ولبان، وقطرة لعينى وشوية أدوية مش عارفة هم بيعالجوا إيه أصلا بس بنقلهم من شنطة للتانية."
أما "منة" فقالت: "مشط عشان لو شعرى باظ فى الشارع ونضارتين شمس ودوا للصداع والمغص، وإكسسوارات عشان لو حبيت أغير تسريحة شعري"، واتفقت البعض معها فى اصطحاب بعض الإكسسوارات تحسبًا لأى ظرف طارئ، فقالت "مروة: "لازم معايا شوز مريحة فى الشنطة وشراب فوال عشان لو اللى لابساه اتقطع."
.jpg "شنط (2)")
شنطة
بينما اتفقت الأمهات بدرجة كبيرة على اصطحاب المناديل المبللة وحفاظات الأطفال والمناديل والألعاب والحلوى كاللبان والبسكوت والشيوكولاتة.
وقالت "أمل" عن حقيبتها: "دايما معايا بلانر، وبلوك نوت، وقلمين أو تلاتة، والمفاتيح، والمحفظو، وe-reader، دا غير المناديل و قلم الروج وطبعا الكحول. المصيبة بقى إن الشنطة اللى بشيلها على طول صغننة، فبتبقى حتنفجر بس برضو بحبها."
وتلجأ بعض الفتيات لاصطحاب بعض الأطعمة باعتبارها "سناكس" يمكن تناولها خلال اليوم، وعن ذلك سخرت "إسراء" من نفسها قائلة: "بيبقى معايا خيار عشان يطرى على قلبى وسط اللى بشوفه كل يوم"، بينما قالت "إيمان": "لازم يبقى معايا مخلل عشان ضغطى فجأة بلاقيه وطي."
شنط
وكان للحوامل رأى آخر فى الأشياء التى يضعنها فى حقائبهن، حيث قالت "نجوى": "من يوم الحمل وأنا شنطتى طول الوقت فيها لمون وأكياس فاضية."
وأخيرًا كانت "الزبدة" هى أغرب شيء يمكن اصطحابه فى حقيبة أى فتاة، حيث قالت "وفاء": " فى يوم كنت واقفة بعمل فطار وفى ايدى علبة زبدة مغلفة صغيرة حطيتها فى شنطتى من غير ما أركز، ومن ساعتها ما بتفارقش الشنطة وبنقلها مع كل شنطة بلبسها من غير هدف."، وشاركتها "منى" أيضًا فى حمل الأشياء الغريبة، حيث قالت إنها تحمل معها طوال الوقت "بلالين" بلا هدف واضح.
