تعتبر ظاهرة الرجال الخارقين من الظواهر التى تدعو للدهشة أحياناً، فقد تربينا أن الشخص الخارق هو شخص خياله مثل سوبر مان وباتمان وسبيدرمان وغيرهم.
لكن فى محافظة الإسماعيلية، يسعى أشرف كابونجا لإدراج اسمه كأقوى رجل فى العالم، حيث قام على الهواء مباشرة بسحب تريلة يزيد وزنها عن 20 طنا، ورصدت كاميرا تليفزيون "اليوم السابع" كل الأجواء المحيطة، وتم التأكد من أنه لا يوجد أحد يدفع السيارة وأن السائق خارجها لنتأكد تماماً أن كابونجا قام بسحبها دون أى مساعدات.
يقول أشرف: بعت كتير لموسوعة جينيس عشان تسجلنى ويحضروا لمصر ويختبروا كل القدرات اللى هم عايزينها ولكن بلا فائدة، انا مش بس سحبت التريلة دى أنا كمان سحبت لانشات وقطارات وحلمى أسحب طائرة وأنضم للموسوعة.
وعن تغذيته يقول كابونجا: أنا بأكل أربع أو خمس أكلات فى اليوم، وبتمرن تقريباً 8 ساعات، ورغم إن الحالة مش سامحة بس بحاول أظبط أكلى وبتمنى رجال الأعمال تدعم الأبطال الرياضيين عشان نقدر نشرف مصر.
