تحدث السيناريست وليد خيرى عن تفاصيل مسلسل "نقل عام"، قائلاً: "سعيد إن مسلسل "نقل عام" بيلم العيلة المصرية، وكنت عايز أعمل مسلسل مصري أصيل ومش مستورد، لأن في أعمال كتير بيبقي شكلها حلو بس مش شبهنا.
وأضاف وليد خيرى خلال مداخلة هاتفية لبرنامج "فن مشكل" الذي يذاع علي شعبى أف أم تقديم ليلى بدران، بدأنا في تجهيز العمل من حوالي 8 أو 9 شهور، وكنا بنفكر في قضية الانفجار السكاني بأنها شيء بتاكل الأخضر واليابس في شكل حدوتة، لأن الكاتب لو مش مهموم بقضايا الناس يبقى مش منهم.
وعن ذكرياته مع نجوم الدراما الكبار قال وليد خيرى: "سعدت بالعمل مع أسامة أنور عكاشة وكتبت معه مسلسل "القاهرة 2000"، وكان اسمي بينزل معه على التتر، وكان عمار الشريعي هو اللى عامل الموسيقي التصويرية وسيد حجاب كلمات الأغاني، فكانت حاجة عظيمة وتجربة مهمة استفدت منها كتير.
وعن تجربة العمل مع الفنان محمود حميدة قال وليد خيرى: "محمود حميدة الوحيد اللي كنت شايفه وأنا بحط الفكرة وماكنتش عارف أشوف حد غيره وعشان نقنعه بالدور، قلنا له: إنت المواطن المصرى اللي ساخر من أحواله ومن ظروفه.
تم أضافة تعليقك سوف يظهر بعد المراجعة