كشف الدكتور فاروق الباز عالم الفضاء المصرى، عن تفاصيل إنسانية لأول مرة فى رحلته ليكون أبرز علماء الفضاء فى العالم، واصفًا تلك المحطات بأنها كانت نقطة تحول ليحقق حلمه.
أكد الباز الذى حل ضيفًا على برنامج "الستات ما يعرفوش يكدبوا" الذى قدمته اليوم الاثنين الفنانة منى عبدالغنى والإعلامية إيمان عز الدين على قناة "CBC"، فى حواره عبر سكايب من امريكا، أن كل ما وصل له من مرتبة علمية يدين بيها بالفضل لزوجته ووالدته، فالاولى تحملت معه صعوبات كثيرة والثانية رغم أنها كانت غير متعلمة ولكنها كانت بمثابة جمهوره الأول، قائلًا: "أى حاجة حلوة فى حياتى سببها أمى على الرغم من أنها مش متعلمة بس كانت عظيمة وعملتى كل حاجة".
وأضاف العالم المصري: "قعدت سنة ونص من غير شغل ولا مرتب وكنت باشحت ٣ تعريفة من زمايلى علشان أجيب حاجة لمراتى وهى ولا اشتكت منى ولا من الظروف ولا من البقاء فى مصر، ده أنا شحت ٣٥ جنيه علشان ولادة بنتى ومراتى استحملت وما اعترضتش فهى ليها فضل كبير فى حياتي".
تابع "زوجتى كانت داعمة ليا قعدت سنتين من غير شغل ولا مرتب وهى استحملت هى السبب فى أن جمعت كل العلم ده، وهى ولا اشتكيت".
وجه الباز نصيحته للشباب، قائلًا: نصيحتى للجميع تقرأ تتعلم على الدوام أنا لحد دلوقتى لسه بتعلم".
