قالت الفنانة ميمى جمال انها عملت فى مسرحية "مدرسة المشاغبين " بدلًا من سهير البابلى لانه اصيبت بمرض فى عينها، والمنتج سمير خفاجى أصر على انى اعمل الدور بدل ما نوقف العرض لحد ما ترجع.
و أضافت ميمى خلال الجزء الثانى من لقاها مع الإعلامى دكتور عمرو الليثى بيرنامجه واحد من الناس على شاشة الحياة، اننى اجريت ٣ بروفات مع الملقن، واشتغلت مكانها ١٥ يوم، وسمير خفاجى كان بيصفق لى وقالى شطارة والله يا ميمى.
و تابعت ميمى انها عملت مع سمير غانم فى المسرح كتير، واشتغلت معاه انا وحسن فى مسرحية "دو رى مى فاصوليا " ولازم اللى يشتغل معاه يكون صاحى ومركز، وهو كان بيقول عليا عمود الكردان بتاع المسرحية.
و تابعت :"كتبت انا وحسن مصطفى كل ثروتهم فى حياتهم كلها لبناتهم، ووهبناها ليهم علشان يرتاحوا ويفرحوا".
و عن ازواج بناتها قالت ميمى جمال :"عندى مبدأ انا لو نكدت على جوز بنتى هينكد على بنتى، ولا اتدخل فى حياتهم وانا مصاحباهم ولو هو متضايق من بنتى بيجى يحكيلى، اقوله ما ليكش دعوه انا هكلمها ".
