شيرين
مشاركة
علق الشيخ مظهر شاهين، الداعية الإسلامى، على أزمة الفنانة شيرين عبد الوهاب، مطالباً بسحب الجنسية من شيرين وإيقافها عن الغناء فى مصر.
وقال "مظهر"، خلال حواره ببرنامج "هنا القاهرة"، الذى تقدمه الإعلامية بسمة وهبة، على قناة "القاهرة والناس"، إن شيرين أساءت لمصر، بعد قولها "مياه النيل بتسبب بلهاريسيا"، مستطرداً :" شيرين طالعة تقتل مصر فى وقت الحرب، الدنيا كلها شاربة من مياه النيل".
وتابع :" لو شيرين غلطت فى أمى هقولها الله يسامحك، إنما تغلط فى مصر ليه، أنا بطالب بسحب الجنسية المصرية منها".
الموضوعات المتعلقة
مشاركة
تم أضافة تعليقك سوف يظهر بعد المراجعة
عدد الردود 0
بواسطة:
Sayed
شوفو غيرها
والله دي حتة بتاعه مكعبره ما لها شكل وما تستاهل كلمه ولا حتي يذكر لها اسم . ومن هذه الطينه كثير
عدد الردود 0
بواسطة:
hamada
يسر و لا تعسر
براحة شويه يا مولانا مش اوى كده ألم تقرأ فى كتاب الله : « قل يا عبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعا » ؟
عدد الردود 0
بواسطة:
tiger
المزايدة والرياء
من ليس له خير فى أمه ليس له خير فى بلده
عدد الردود 0
بواسطة:
باسم
باسم
هو فعلا اسم على مسمى مظهر و لكن الجوهر اعوذ بالله الكل يعرف حقيقة هذا الرجل
عدد الردود 0
بواسطة:
حازم
الى الشيخ مظهر
من كان يحب الله ورسوله فليقل خيرا او ليصمت - جنسية ايه يا شيخنا اللي عايز تسحبها منها - ماتقيم عليها الحد احسن - هي الجنسية دي لعبة - كل من هب دب يسحب الجنسية من اي حد -
عدد الردود 0
بواسطة:
ايمان
نحن فى حالة فقر نخبوى بعد عز نخب الخمسينات و الستينات!
شيرين هى مرتضى منصور الفنانين، لسان سليط بلا ضوابط، و لوجود من يدافع عنهم بحجة انهم وطنيين يجعلهم يتمادون فى الوقاحه، بالطبع هى ليست خائنه و لكنها معقده و تريد ان تثبت انها اصبحت من علية القوم الذين يشربون اغلى مياه معدنية و ليس مياه النيل بتاعة الشعب، و ان ابناءهم فى مدارس لغات فلا يستطيعون نطق كلمة تونس اصلها كلمه بالعربى يا حرام! كما انها متقمصه دور المصريه خفيفة الدم المرحه اللى لازم تستظرف فى كل مناسبه و كأنها منولوجيست مطلوب منها اضحاك الجماهير! اللى عايز يعرف مشكلتنا الحقيقيه مع شيرين و امثالها يشوف اسلوب باقى فريق ذا فويس سواء كاظم او عاصى او صابر و حيحس اننا ملناش بخت فى نخبتنا الفنيه و الثقافيه و الاعلاميه و الرياضيه و الدينيه و السياسيه، فمعظمهم للاسف يشوهون صورتنا و صورة بلدنا فنحن فى حالة فقر نخبوى بعد عز نخب الخمسينات و الستينات!
عدد الردود 0
بواسطة:
amera rehan
تهريج
بصراحه انتوا مكبرين الموضوع على الفاضى وكلنا بنهزر ونتريق وبنقول الافيه بطريقه عفويه وبتعدى لانها داخل المحيط الصغير .لكن شيرين غلطت انها محسبتش الوقفه والمكان والزمان وانها بتتكلم على الملاء لان وضعها غير اللى بيهرجوا فى الغرف المغلقه .دى عفويه ودى افيه كلنا بنقوله ومازلنا بنشرب من ميه النيل .التمس لاخيك 700000 عذر كلنا بنغلط براحه شويه على بعضنا.ربنا يهدى نفوسنا جميعا يارب.اللهم اتى نفسى تقواها زكها انت خير من زكاها انت ولايه ومولاها.براحه شويه يامولانا وانت برضه بتتكلم على الملاء ها ها
عدد الردود 0
بواسطة:
ممدوح شفيق
وماذا عن مهدى عاكف
لما قال طظ فى مصر ماطلبتش لية بسحب الجنسية منه
عدد الردود 0
بواسطة:
أبو الشيماء
هناك جرائم كثيرة أكثر من كلمات جارحة
عايز تسحب الجنسية علشان شتمت مصر أو أساءت لبلدها .......... عندنا فى مصر من أساء الى الشعب المصرى بالفساد واختلاس المال العام والرشوة واهدار امال العام ابدأ بهؤلاء الذين ارتكبوا جرائم وتأثر بها الشعب اما الكلمات الجارحة يمكن انزال العقاب عليها
عدد الردود 0
بواسطة:
أبو روضه
كل ده علشان ذلة لسان
شرين مفكرتش في الكلمة قبل ماتطلعها وحصل فيها كل ده والدنمارك أساءت للرسول متعمده ولم نر هذا التفاعل ضد الدنيمارك نحن شعب لا نستحي