* لو مكتوب لك كن هاتكون
وكل الصعب عليك هايهون
أوفى وصون.. لكن ماتخون
*لو مكتوب لك عيش هاتعيش
ولو حد ندالك.. مد إيداك
روح له بسرعة وماتجليش
*لو مكتوب لك دقة قلب
عيشها وعيشها لكن بالحب
وبالخير سبق
ولا تاخد الذنب بذنب
*لو مكتوب لك نفس وحياة
احمد ربك.. جايلك يوم وهاتلقاه
ولما تقابله
أيه قدمت لأجل رضاه
*ولا تحسبها فى يوم وتعد
ولاتجرى بسرعة ولاتمد
اضحك حبة
ووقت الجد.. جد الجد
*قوى عزيمتك.. أقف على الأرض
أمسك نفسك..عودك شد
ولو على الأرض يوم ووقعت
تلقى مليون إيد تتمد
صورة أرشيفية
