أحمد الغرباوى يكتب: الحب الحقيقى.. الأكبر من "كــل حــد"..!

لا.. يا حبيبى
فيه حاجــات كتيرة
تِمنع (حَــدّ) يكــلم
حَــدّ..!

الحب الكبير
لمَا يكون حقيقى وبــ
جــد..!

الحب الكبير
اللى عاوز فيه (حــد)
يقول لحــد
والله بَحبّه بــ
جــد..!
هـوّا نفسه اللى
مَنعه يقــوله:
إنت حبيبى
مش.. مش أى
حــد..!

إنتَ.. يا حبيبى
مُنتهى كل
حــد..!

إنتَ.. يا حبيبى
كــل حــدودى
تِـلفّ الدُنيا وتِـلمسها
وتِـيجى عندك
سـد..!

إنتَ.. يا حبيبى
اللى الكون بيغـير منه
ويقوله ما فـيش
فى خلقك ولا زيـّـك
قــدّ..!

إنت.. يا حبيبى
اللى الروح لمّا تِــشوفك
ما فيش غير
حور العين لها
نِـــدّ..!

إنت.. يا حبيبى
اللى لما غِـلطت
وفــ يوم عَـليّا شاورت
حَسِيت إنى..
إنى فى جنة
خُــلد..!
,,,,
وأنا..
أنا.. يا حبيبى
بالوادى المقدس طِـوى
أتكأ على عصا موسى
ويستعـر البحر جمراَ
ويلقَى الحمم فى جــوى
لحــد..!

أنا.. يا حبيبى
من تمزّق عِـشق روحـه
فى حبل مربـوط بقـطر
عكس التانى يجـر و
يَشـد..!

ويتعـرَى عمرى
أسيراً فى ندبة
خد..!

ويتبعـتر هواى
على كل محطة
من لحمى حتة وحتة
يلزقها دمى فى الثرى
حُب إمبارح والنهارده وكل
غَــد..!
,,,,
لا..
لا.. يا حبيبى
لو.. لو فى الحـب
حَـدّ..؟
ولو فى الحب
حاجة تِمنــع
حَـد..؟
يِـبقى إنتَ..
إنتَ اللى مالوش
حــد..!
حبّ حقيقى.. أكبر
أكبر من ( كل حاجة)
وأكبر مــن.. من ( كل
حَــد )..!