الشاعر أشرف الشافعى
مشاركة
اضف تعليقاً واقرأ تعليقات القراء
سألتنى مرة بخجل
حصل ف يوم و بكيت ؟!
رديت ومين مابكاش !!
العَبرة لو مَسِّتْ
روح الرجال مرة،
صعب انها تتحاش
واللى خلَّقْ حوَّا
شفافة كالبللور
ووهب لإحساسها
طيبة وبراءة ونور
بيحنّوا ع الموجوع
جعل لآدم قلب
يتهَزْ من نظره.
بتضمه لحظة نوح
وبتترعشله ضلوع
مين اللى قال البُكا
ممكن يشين صاحبه
طوبَىَ لرجال عودها،
صَلَبْها صِدقْ دموع !
مشاركة
