بدل ما تتكدر ماتهدا وتفكر
إزاى تعيش على الأرض
صابر واصبر
الزرع لسه مانبت
ولسه عوده ما شد
هتاجيلك الفرصة
ما الدنيا دى بورصة
وياريت تاخدها بجد
وفصَّل حدودك
من تانى على عودك
تلقى اللحاف على القد
بص فى جيبك شوف المال
هاتعرف نفسك وآخر الحد
امشى فى الدنيا حبه
دا الزرع أصله حبه
بالصبر والمحبة
بكرة تبقى الحبه قبه
سيب وراك ذكرى جميلة
للبشر تنفع كتير
دى الحياة لحظات قليلة
وتنتهى بينا المشاوير
صورة أرشيفية
