وأضافت مى عز الدين من خلال حسابها على فيس بوك قائلة "أنا قضيت اليومين اللى فاتو بحاول أطالب إدارة قنوات Mbc مصر بزيادة إعادة المسلسل وعرضه على قناة Mbc مصر كمان لأنه بيتعرض على Mbc مصر 2 فقط ودى ناس كتير مكانتش تعرفها ولا منزلاها".
وتباعت "أن المسلسل الوحيد اللى من إنتاج شركة تابعة ليهم وبالتالى كان من المنتظر الاهتمام بعرضه على قنواتهم الإثنين ومع ذلك مش راضيين يخلوه بيتعرض على القناتين بتوع Mbc مصر وسايبينه على Mbc مصر 2 بس".
وواصلت: "فى الآخر الرسالة الوحيدة اللى وصلتنى إن ده مقصود علشان دى الفرصة إن القناة تتعرف، يعنى أنا كده مطلوب منى أقوم قناة لوحدى تمام وأنا بقول لmbc قبلت المسؤولية وبإذن الله ربنا يكرم والقناة والمسلسل يتشافو والحمد لله فيه علامات باينة من كم الإعلانات اللى جه من بعد أول حلقة للمسلسل".
كما أوضحت " أنا هعتبره امتحان ليا يعرفنى قدرى عند الناس وهل فعلا بيحبو مسلسلاتى أولا ونسبة الجماهيرية اللى وصلتها أيه مع أنى مهما كان ليا جمهور أكيد كنت أتمنى أنى أتشاف من الناس اللى مش من جمهورى لأن ساعات بتكون كمشاهد ملكش فى ممثل، لكن لو قابلت حلقة لمسلسله بالصدفه وعجبتك بتقرر تتابعه وده فى الاخر بيبقى خلانى كسبت مشاهد جديد بقى بيحب يتفرج على أعمالى وده طبعا مش هيحصل السنة دى لأن مفيش حد بيبقى معدى وبيشوف القناه دى بالصدفة الناس لسه اصلا بتتعرف على طريقها من خلالنا وبينزلوها ".
موضوعات متعلقة :
- مى عز الدين تتعرض للصدمة بعد علمها بزواج أحمد السعدنى فى "وعد"
